بسم الله الرحمن الرحيم
والصلاة والسلام على أشرف المرسلين
السلام عليكم ورحمة الله وبركاته
أرفف لكتب الأطفال
كيف حالكم إخوتي الكرام؟
عدت إليكم بعمل أرسلته لي صديقة وأنا حقا فخورة بها جدا لأنه صدقا عمل متقن كما أرسلت لي كلاما أثلج صدري بارك الله فيها
كتبت حبيبتي أسماء:
"والله
اصلا حضرتك اللي ربنا يباركلك بجد
الفضل كل الفضل لله ثم لحضرتك
لا تتخيلي سعادتي اولا لما لاقيت المدونة
بتاعتك واتقانك في الشرح وكمية التفاصيل اللي بتحطيها
جزاك الله خيرا
بجد ربنا يسعد قلبك ويرزقك من واسع و يجعلك
دايما منارة للعلم و عون للاخرين على الخير"
أسعد الله قلبك يا أسماء كما أسعدت قلبي بهذه الكلمات
هذا عمل أسماء
Asmaa Mosae'd
السلام عليكم و رحمة الله و بركاته
عايزة
اشكر حضرتك جدا على مجهودك انا متابعة حضرتك على المدونة من زمان جدا لحد ما تشجعت
كدة من كام يوم و طبقت الحجات اللي اتعلمتها من المدونة بتاعة حضرتك والمدونات
الاجنبية اللي بتحطيها جزاك الله خيرا بجد دي الارفف اللي عملتها لابني عشان احط
فيها الكتب بتاعته
وهذه تفاصيل العمل
انا مشيت بطريقة العوارض المتقاطعة و بعدين غلفتها بورق
المجلات و بعدين اديتها طبقتين معجون وبعدين وشين دهان بلاستيك بتاع الحوائط
هنا
الثلاث اجزاء فوق بعضهم البعض و جميعهم مفرغ لاني اردتها مفتوحة من الامام و الخلف
بعد تفريغ الوسط و تقطيع الدعامات الافقية
بعد تركيب الدعامات الافقية جميعها
بعد لصق الجزء الخلفي و الامامي في الدعامات بالشمع
الساخن
بعد تركيب كافة الجوانب الداخلية والخارجية
اثناء و بعد تغليفها بالكامل بورق المجلات
بعد اول سكينة معجون
بعد تاني سكينة معجون
و طبعا الصنفرة بعد كل سكينة
بعد اول وش دهان
بعد تاني وش دهان
و كنت ناوية ادهنا فلوت بس حضرتك تكرمتي و
قولتيلي انها مش محتاجة
بس كدة
أشكرك جدا يا أسماء على هذه التفاصيل وبارك الله فيك على عملك المتقن
أنتم أيضا يمكنكم إرسال أعمالكم وسأنشرها باذن الله على صفحات المدونة
أستودعكم الله
