الجمعة، 27 سبتمبر 2013

سيارة وصندوق ألعاب للأطفال من الكرتون

بسم الله الرحمن الرحيم
 والصلاة والسلام على أشرف المرسلين
 السلام عليكم ورحمة الله وبركاته


سيارة وصندوق ألعاب  للأطفال من الكرتون


هذا عمل أرسلته لي أحد الأخوات وهو عبارة عن صندوق للألعاب على شكل سيارة 
أترككم مع الصورومع  شرحها للعمل: 








انا الجزء اللي قدام عشان واخد شكل قوس وانا كمان ماكانش عندي كرتون كتير فقلت هعمله طبقة واحدة انا عارفة اني غلطت بس انا قلت انه هيبقى متين لما يتدهن هو فعلا ماسك نفسه شوية بس كنت بفكر احط له من جوة ولو ابلاكاشة صغيرة تسنده او اجرب احط طبقة كارتون تانية بس مش عارفة هينفع بعد مادهنتها ولا لا
طبعا دي اكبر غلطة عملتها لكن برضه من الحاجات اللي ماظبتهاش ورق الكرافت في الجزء اللي عامل زي القوس   بس انا كنت عملتها قبل ماادخل على المدونة واشوف انت بتلزقيها ازاي وعموما ان شاء الله اكيد في حاجات لما اعمل عمل تاني هاخد بالي منها 

بالنسبة للعجل دة خشب كان عندي بواقي من الواح السرير بتاعي من ساعة ماتزوجت وماكنتش عارفة اعمل بيه ايه لحد مافكرت هو كان عبارة عن اخشاب على شكل مربعات مقطوعة من الواح السرير المهم رسمت عليها الدايرة الكبيرة والدائرة الصغيرة اللي جوة وخليت زوجي يقطعها عند النجار عشان كدة العجل مش كبير اوي لكن الحمد لله بيستحمل 
وجبت عصاية بتاعة مكنسة (مقشة ) وقطعتها عند النجار على حسب عرض العربية وعملت الفتحة بتاعة العجلة اللي هتدخل في العصايةواسعة شوية لأني عايزة العجل يلف والعربية تمشي ولو خليت العجلة ثابتة في العصاية مش هتلف لأن العربية هتحملعلى العصاية فمش هتدور فعملت العجل واسع شوية عشان يدور وركبته في العصاية وعشان العجل مايخرجش من العصاية جبت اربع غطيان زجاجات بلاستك ودقتهم بمسمار من المنتصف في رأس العصايتين من الناحيتين عشان يمنع خروج العجل والحمد لله بقت مظبوطة والولاد ركبوا فيها ومبسوطين وقعدنا نلف في الشقة :) 

بس انا اصلا عملاها عشان يلموا فيها اللعب بس شكلهم مش هيلموها وهيركبوا فيها هههههههههه وعلى فكرة انا ركبت فيها عشان اشوف هتستحمل ولا لأ *:)) laughing

بس انا حبيت اوضح لك كل التفاصيل لأني للأسف ماصورتهاش عشان ماكنتش متخيلة اني هنجح اوي 

وعندي سؤال كمان لو سمحتي هو انا بلاحظ ماشاءالله ان الصور بتاعتك مش بيبان فيها خالص ان دة كرتون يعني الخطوط في الكرتون مشبتبقى باينة عندك هل لازم اني احط معجون على القطعة كلها عشان مايبانش الخطوط بتاعة الكرتون ولا ايه لأن لو خدتي بالك العربية من قدام باين فيه التعريج او الخطوط بتاعت الكرتون رغم اني غلفتها كويس بالكرافت 


***************

شكرا للأخت على هذا الشرح الوافي و فكرة العجلات ممتازة فعلا
أعتبر هذا العمل شخصيا ناجح جدا وبالنسبة للسؤال أنا فعلا أضع معجون الشروخ لاخفاء مظهر الكرتون لكن كما شرحت للاخت في رسالة خاصة لا أرى ضرورة لذلك لأن  ظهور النتوءات لا يؤثر على متانة القطعة وأحيانا يعطي تميزا للقطعة ولعلي أعرض عليكم في أحد المناسبات بعض أعمال الصانعين الذين لا يسعون إلى إخفاء الكرتون ومع ذلك تخرج أعمالهم بمنتهى الإبداع.
أتترككم في رعاية الله وحفظه, ولا تنسوا إذا أعجبكم العمل كلمة تشجيع للأخت ومشاركة على الشبكات الاجتماعية.






Related Posts Plugin for WordPress, Blogger...